یورپ بھر میں کرسمس کی تیاریاں زور و شور سے جاری

کرسمس کی آمد میں ایک مہینے سے بھی کم وقت رہ گیا ،اسی سلسلے میں یورپ بھر میں کرسمس کی تیاریاں بھی زور و شور سے جاری ہیں۔ برمنگھم میں بھی ہر سال کی طرح اس سال بھی قدیم کرسمس مارکیٹ سج گئی ہے جسے گزشتہ روز عوام کیلئے کھول دیا گیا ہے ۔

برسوں قدیم برمنگھم کی اس سب سے بڑی مارکیٹ کو دلہن کی مانند سجایا گیا ہے جبکہ

 رنگ برنگے برقی قمقموں سے سجی اس مارکیٹ میں کرسمس تحائف کے طور پر دی جانیوالی اشیاء سمیت خوبصورت موم بتیاں،سانتاکلاز لباس، مٹھائیاں او ر انتہائی دیدہ زیب کرسمس ٹری بھی رکھے گئے ہیں جہاں مقامی افراد سمیت بڑی تعداد میں سیاح بھی خریداری کیلئے آرہے ہیں۔

صرف یہی نہیں بلکہ یہاں دلکش فیرس وہیل کو بھی قمقموں سے سجایا گیا ہے جبکہ آئس رِنک پر اسکیٹنگ کے شوقین افراد بھی تفریح کرتے دکھائی د ے رہے ہیں جو7جنوری تک اپنی رونقیں بکھیرتی دکھائی دے گی۔