Saroj Gospel Studio presents "Christmas Night"

Saroj Gospel Studio presents "Christmas Night" by Saroj & Sunny gill Masih

ادھار واپس نہ کرنے پر فائرنگ سے 6 سالہ بچی ہلاک

فیصل آباد میں 40 ہزار روپے ادھار واپس نہ کرنے پر فائرنگ سے 6 سالہ معصوم بچی جاں بحق ہو گئی۔ بچی کے والد نے 40 ہزار روپے سود پر ادھار لے رکھے تھے جو وہ واپس نہ کر سکا۔تفصیلات کے مطابق تھانہ صدر کے علاقے میں افسوسناک واقعہ پیش آیا۔وارث مسیح نے اجمل عرف مٹھو نامی شخص سے 40 ہزار روپے سود پر قرض لئے۔ رقم کی بروقت ادائیگی نہ ہونے پر مٹھو نے وارث مسیح کے گھر پر فائرنگ کر دی۔ فائرنگ کی زد میں آ کر وارث کی 6 سالہ معصوم بچی حمیرا ہلاک ہو گئی۔بچی کے اہلخانہ غم سے نڈھال ہیں۔ پولیس نے ملزم مٹھو کے خلاف مقدمہ درج کر کے گرفتاری کیلئے چھاپے مارنے شروع کر دیئے ہیں جبکہ بچی کی ڈیڈ باڈی پوسٹ مارٹم کے بعد لواحقین کے حوالے کر دی گئی ہے۔

جرمنی میں دنیا کا سب سے اونچاکرسمس ٹری روشن کردیا گیا

دنیا بھر میں کرسمس کی تیاریاں عروج پر پہنچ گئی ہیں،اسی سلسلے میں جہاں کئی مشہور جگہوں پر کرسمس ٹری لگایا اور روشن کیا جا رہا ہے۔

جرمنی میں بھی دنیا کے سب سے بڑے کرسمس ٹری کو روشن کرنے کے لئے سالانہ تقریب کا انعقاد کیا گیا جس میں شہر بھر سے سینکڑوں افراد نے شرکت کرکے یہ خوبصورت نظارہ دیکھا۔

147 فٹ لمبے اس کرسمس ٹری کو 48ہزارایل ای ڈی لائٹس اور دیگر برقی قمقموں سے سجایا گیا ہے جسے روشن کرنے کے بعد شاندار آتش بازی کے دلکش منظر نے سیاحوں پر سحر طاری کیا تو کئی شائقین کو کرسمس سانگز نے جھومنے پر مجبور کردیا۔

اسکاٹ لینڈ کے شہر ڈْنڈی میں پہلی مرتبہ سانتا رَن کا انعقاد

کرسمس کی آمد آمد ہے اور اس موقع پرجہاں دنیا بھر میں سانتاکلاز اپنے سفری منصوبوں اور تحائف کو حتمی شکل دے رہے ہیں وہیں عام عوام کرسمس کی شاپنگ اور سجاوٹ مکمل کرنے میں مصروف ہے۔

کرسمس کے موقع پر سانتاکلاز کی اہمیت کو مدِ نظر رکھتے ہوئے دنیا بھر میں مختلف سانتا کلاز ریسوں کا اہتمام کیا جاتا ہے او ر یہی وجہ ہے کہ اسکاٹ لینڈ کے شہر ڈْنڈی میں بھی گذشتہ روز ایسی ہی ایک ریس کا انعقاد کیا گیا۔

سالانہ سانتا رَن کے موقع پر کم و بیش700 افراد سانتا کلاز(فادر کرسمس) کا مخصوص سفید و سرخ لبادہ اوڑھے سڑکوں پر نکل آئے اورامدادی مقاصد کے تحت ہونے والی4کلومیٹر طویل ریس میں حصہ لیا۔

واضح رہے کہ اس ایونٹ سے حاصل ہونے والی آمدنی امدادی مقاصد کیلئے وقف کی گئی ۔

دنیا بھر میں کرسمس کی تیاریاں زوروشور سے جاری

کرسمس کے استقبال کی تیاریاں پوری دنیا میں زورو شور سے جاری ہیں۔

اس موقع پر جہاں دنیا بھر میں کرسمس ٹری کو نصب اور روشن کیا جارہا ہے وہیں بعض مقامات کو بھی رنگی برنگی لائٹوں سے سجایا جارہا ہے۔

اسی سلسلے میں فلوریڈا کے بوٹینکل گارڈن کو بھی ایک ملین ایل ای ڈی لائٹس سے سجایا گیا ہے جس کے دلچسپ مناظر نے نا صرف شہر بھر کی رونقیں بڑھادی ہیں بلکہ یہ جگمگ کرتا دلکش نظارہ شائقین کی توجہ کا مرکز بھی بنا ہوا ہے۔

کیلیفورنیا میں سالانہ ہالی ووڈ کرسمس پریڈ کا انعقاد

امریکی ریاست کیلیفورنیا کے شہرلاس اینجلس کے ہالی ووڈ بولیوارڈ پر گذشتہ روز سالانہ ہالی ووڈ کرسمس پریڈ کا انعقاد کیا گیا۔

5.6کلو میٹر طویل روٹ پر ہونے والی سالانہ پریڈ میں ہالی ووڈ کی کئی مشہورشوبز شخصیات سمیت مختلف فلموں کے مشہور کردار دیوہیکل غباروں کے روپ میں نظر آئے۔

پریڈ میں درجنوں سجی سنوری جدید اور پرانی گاڑیوں نے بھی حصہ لیا جبکہ اس دوران مختلف فنکار بھی اپنی پرفارمنس سے شرکاء کو محظوظ کرتے رہے۔

اس دوران میوزک بینڈز نے بھی اپنی پرفارمنس پیش کی جبکہ رواں سال بھی اس پریڈ میں ہزاروں کی تعداد میں لوگوں نے شرکت کی۔

امریکی خاتون اول ملینیا ٹرمپ کی وائٹ ہاؤس میں پہلا کر سمس

امریکی صدر ڈونلڈ ٹرمپ کی اہلیہ خاتونِ اول ملینیا ٹرمپ نے کرسمس کی تیاریوں کا آغاز کرتے ہو ئے وائٹ ہاؤس میں کی گئی کرسمس سجاوٹ کا افتتاح کردیا ۔

سماجی ویب سائٹ ٹوئٹر پر جاری کی گئی ویڈیو میں ملینیا نے و ائٹ ہاؤس میں کی گئی تیاریوں اور دلکش سجاوٹ کے مناظر فلمائے ہیں ۔

اس سال کرسمس کے جشن میں کی گئی سب سے اہم سجاوٹ جنجر بریڈ سے بنا وائٹ ہاؤس کا ماڈل،گولڈ اسٹار فیملی ٹری اور چائنا روم قابلِ ذکر ہیں۔

رواں برس اس سجاوٹ میں امریکا کی 29ریاستوں سے تقریباً 150رضاکاروں نے حصہ لیا اور مجموعی طور پر 1600گھنٹوں کی محنت کے بعد یہ سجاوٹ کی ہے۔

پوپ فرانسس کا میانمار پہنچنے پر شاندار استقبال، دورے سے روہنگیا مسلمان پرامید.

پوپ فرانسس نے میانمار کے آرمی چیف سے ملاقات کی۔ ملاقات کے بعد آرمی چیف نے کہا کہ میانمار میں کسی سے امتیازی سلوک نہیں ہوتا۔
ینگون: (مسیحی خبریں انٹرنیشنل) کیتھولک مسیحیوں کے روحانی پیشوا پوپ فرانسس چار روزہ دورے پر ینگون پہنچ گئے، جہاں ان کا شاندار استقبال کیا گیا۔ پوپ سے ملاقات کے بعد میانمار کے آرمی چیف من آنگ ہلینگ نے میڈیا سے گفتگو کرتے ہوئے کہا کہ میانمار میں کسی سے امتیازی سلوک نہیں ہوتا۔ آرمی چیف نے اپنے فیس بک اکاؤنٹ سے ایک پوسٹ بھی کی، جس میں کہا گیا ہے کہ میانمار کی فوج ملک میں قیام امن کیلئے بہترین خدمات سر انجام دے رہی ہے۔ پوپ فرانسس روہنگیا برادری کی حالت زار عالمی سطح پر نمایاں کرنے کی خاطر بنگلہ دیش اور میانمار کا دورہ کر رہے ہیں اور ان کا دورہ خطے میں امن کا باعث بنے گا۔ ادھر ہجرت کر کے بنگلہ دیش جانے والے روہنگیا مسلمانوں کو امید ہے کہ پوپ فرانسس کے دورے سے ان کی مشکلات میں کمی واقع ہو گی۔ 
واضح رہے کہ میانمار اور بنگلہ دیش کے درمیان معاہدے کے باوجود روہنگیا مسلمانوں کی ہجرت کا سلسلہ نہیں رک سکا اور بنگلہ دیش پہنچنے والے پناہ گزینوں کی تعداد 6 لاکھ سے تجاوز کر چکی ہے۔ غیر ملکی میڈیا کے مطابق میانمار کے صوبے رخائن میں رواں سال اگست سے جاری فوجی آپریشن کے بعد روہنگیا مسلمان بنگلہ دیش میں پناہ لینے پر مجبور ہو گئے تھے۔ 

برطانوی شہزادہ ہیری اور امریکی اداکارہ میگھان مرکل کی شادی طے.

برمنگھم پیلس میں پھر شہنائیاں گونجیں گی، بکنگھم پیلس کے مطابق ہیری اور میگھان کی منگنی رواں ماہ کے شروع میں ہوئی تھی، ملکہ الزبتھ اور شہزادہ فلپ نے پوتے کی شادی کے اعلان پر خوشی کا اظہار کیا ہے۔
لندن: (مسیحی خبریں
) بکنگھم پیلس میں ایک اور شاہی شادی کی تیاریاں جاری ہیں، برطانوی شہزادہ ہیری کی شادی امریکی اداکارہ میگھان مرکل سے طے پا گئی۔ شاہی اعلامیہ کے مطابق دونوں کی شادی آئندہ موسم بہار میں ہو گی۔ بکنگھم پیلس کے مطابق ہیری اور میگھان کی منگنی رواں ماہ کے شروع میں ہوئی تھی، ملکہ الزبتھ اور شہزادہ فلپ نے پوتے کی شادی کے اعلان پر خوشی کا اظہار کیا ہے، میگھان اپنے سابق شوہر کو 2013ء میں طلاق دے چکی ہیں۔

امریکی شہر نیو پورٹ بیچ میں کرسمس بوٹ پریڈ

پریڈ کے دوران رنگ برنگی روشنیوں سے سجی ہوئی 27 کشتیوں نے حصہ لیا ، پریڈ دیکھنے کیلئے سینکڑوں افراد کی آمد

لاہور (نیٹ نیوز) امریکی شہر نیو پورٹ بیچ میں 20 ویں سالانہ کرسمس بوٹ پریڈ کا انعقاد کیا گیا ۔ نیو پورٹ ہاربر پر منعقد ہونیوالی اس پریڈ میں رنگ برنگی سینکڑوں لائٹوں سے سجی 27 کشتیوں نے حصہ لیا اور پانی پر مقررہ فاصلہ طے کیا ۔ کرسمس لائٹوں سے جگمگاتی ان کشتیوں کی پریڈ دیکھنے کیلئے سینکڑوں افراد نے یہاں کا رخ کیا اور اس حسین منظر کا بھرپور لطف اْٹھایا ۔ واضح رہے کہ یہ پریڈ جنوری 2018 تک ہر ہفتے منعقد کی جائیگی ۔